នៅព្រឹកថ្ងៃទី៣០ ខែមិថុនា ឆ្នាំ២០២៦នេះ ឯកឧត្តម ប៊ុន ចន្ទវណ្ណៈ រដ្ឋលេខាធិការ ក្រសួងអភិវឌ្ឍន៍ជនបទ និងឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត បានអញ្ជើញរួមគ្នាជាគណៈអធិបតី ក្នុងពិធីបើកការដ្ឋានជួសជុលស្តារឡើងវិញផ្លូវក្រាលដីល្បាយគ្រួសចំនួន ១ខ្សែ ស្ថាបនាស្ពានបេតុងចំនួន ១ខ្សែ និងសំណង់សិល្បការ្យផ្សេងៗទៀត ។
ពិធីនេះត្រូវបានរៀបចំឡើងនៅក្បែរទីតាំងស្ពាន ស្ថិតក្នុងភូមិកោះស្លា ឃុំត្រពាំងភ្លាំង តភ្ជាប់ទៅភូមិត្រពាំងបី ឃុំតាកែន ស្រុកឈូក ខេត្តកំពត ដោយមានការអញ្ជើញចូលរួមពីសំណាក់លោក លោកស្រី ប្រធានមន្ទីរ-អង្គភាពជុំវិញខេត្ត ព្រមទាំងមន្ត្រីពាក់ព័ន្ធ និងបងប្អូនប្រជាពលរដ្ឋយ៉ាងច្រើនកុះករផងដែរ។