លោកបណ្ឌិត គិន ភា អ្នកជំនាញវិទ្យាសាស្រ្តនយោបាយ និងទំនាក់ទំនងអន្តរជាតិខ្មែរមិនទៅសំពរសន្តិភាពពីចោរបានទេ
លោកបណ្ឌិត គិន ភា អ្នកជំនាញវិទ្យាសាស្រ្តនយោបាយ និងទំនាក់ទំនងអន្តរជាតិ បានបញ្ជាក់តាមរយៈសំណេរនៅលើទំព័រហ្វេសប៊ុករបស់លោកនាថ្ងៃទី ២២ ខែមិថុនា ឆ្នាំ២០២៦ថា «បញ្ហាព្រំដែនជាមួយថៃ កុំសង្ឃឹមថាអាចនឹងដោះស្រាយបានចប់សព្វគ្រប់ឆាប់ឱ្យសោះ វាអាចនឹងត្រូវចំណាយពេលរាប់ទសវត្សរ៍ទៅមុខទៀត ព្រោះមហិច្ឆតារបស់គេស្រេកឃ្លានទឹកដីយើង គេមិនបានបោះបង់ទេ។ ដូច្នេះ យើងត្រូវពង្រឹងសមត្ថភាពនិងភាពធន់លើគ្រប់វិស័យ។ យើងមិនអាចទៅសំពះសុំសន្តិភាពពីចោរបានទេ មានតែយើងមានសមត្ថភាពពិតប្រាកដទេ ទើបសន្តិភាព អធិបតេយ្យ និងបូរណភាពទឹកដីយើង អាចរក្សាការពារបាន។»
លោកបណ្ឌិត គិន ភា បានបញ្ជាក់បន្ថែមទៀតថា «កាលពីសម័យសង្គមរាស្ត្រនិយម ក្រោយខ្មែរយើងប្តឹងទៅ ICJ ករណីប្រាសាទព្រះវិហារ ហើយខ្មែរយើងឈ្នះក្តី ថៃបានរករឿងយើងរហូត។ ពេលនោះ ទំនាក់ទំនងការទូតរវាងប្រទេសទាំងពីរបានធ្លាក់ចុះដល់កម្រិតទាបបំផុត រហូតមិនឱ្យប្រជាជននៃប្រទេសទាំងពីរចេញចូលរកគ្នា។ បញ្ហាគឺថៃមិនគោរពខ្សែបន្ទាត់ព្រំដែនអន្តរជាតិរវាងប្រទេសទាំងពីរហ្នឹងឯង។ ថៃចេះតែចិញ្ចឹមចិត្តចង់បានដីខ្មែរមិនព្រមឈប់ និងបានគូសផែនទីជាឯកតោភាគី ហើយប្រើប្រាស់វាដើម្បីឈ្លានពានខ្មែរយើង៕»