ចាប់ពីថ្ងៃ ១ តុលាឆ្នាំ២០២៦នេះទៅ...រាជរដ្ឋាភិបាល​កម្ពុជា​ បានសម្រេច​អនុវត្ត​គោល​ការណ៍​ហាមឃាត់​ក្រុមហ៊ុនផលិតស្រា និងភេសជ្ជៈផ្ដល់​រង្វាន់​តាមរយៈ​ការ​គាស់​ក្រវិល​កំប៉ុង​ស្រាបៀរ ​ឬគម្របផលិតផល​ភេសជ្ជៈចាប់ពីថ្ងៃទី ០១ ខែតុលា ឆ្នាំ ២០២៦ តទៅ។ យោងតាមលិខិត​ស្ដីពីគោលការណ៍​អំពីវិធានការដើម្បីគ្រប់គ្រងផលិតផលស្រាបៀរ និងភេសជ្ជៈគ្មានជាតិសុរាក្នុងស្រុក ក្រសួងសេដ្ឋកិច្ច​​ សម្រេច​អនុវត្តគោលការណ៍​របស់រាជ​រដ្ឋាភិបាល ​ដោយហាមឃាត់ការផ្តល់រង្វាន់ ​តាមរយៈការគាស់ក្រវិលកំប៉ុង ​ឬគម្របផលិតផល ឬការផ្តល់រង្វាន់តាមទម្រង់ផ្សេងៗ សម្រាប់ភេសជ្ជៈមានជាតិស្ករ ជាពិសេសភេសជ្ជៈ ប៉ូវកម្លាំង ត្រឹមដំណាច់ត្រីមាសទី៣ ឆ្នាំ២០២៦ ហើយចាប់ពីថ្ងៃទី១ ខែតុលា ឆ្នាំ២០២៦ តទៅ គ្រប់សហគ្រាសទាំងអស់មិន​​ត្រូវបានអនុញ្ញាតឱ្យផ្តល់រង្វាន់ និងមិនត្រូវមានការបញ្ជាទិញថ្មី នាំចូល ឬផលិតនូវគម្របផលិតផលភេសជ្ជៈមានជាតិស្ករ ដែលមានការផ្តល់រង្វាន់ទៀតឡើយ។ ម្យ៉ាងទៀត រដ្ឋាភិបាលមានគោលដៅ ​ពង្រឹងការប្រកួតប្រជែងដោយស្មើភាពគ្នា ​និង​ការលើកកម្ពស់អនុលោមភាពបន្ថែមទៀត ដោយបញ្ឈប់ទាំងស្រុងនូវការផ្តល់រង្វាន់លើក្រវិលកំប៉ុង ឬគម្របផលិតផល​ ឬការផ្តល់រង្វាន់​តាមទម្រង់​ផ្សេងៗ ​សម្រាប់ ​ផលិតផលគ្រឿងស្រវឹង ​ត្រឹមដំណាច់ត្រីមាសទី៣ ឆ្នាំ២០២៦ ហើយចាប់ពីថ្ងៃទី១ ខែតុលា ឆ្នាំ២០២៦ តទៅ គ្រប់សហគ្រាសទាំងអស់​មិនត្រូវបានអនុញ្ញាត​ឱ្យផ្តល់រង្វាន់ និងមិនត្រូវមានការបញ្ជាទិញថ្មី នាំចូល ឬផលិតនូវគម្របផលិតផលគ្រឿងស្រវឹង ដែលមានការផ្តល់រង្វាន់ទៀតឡើយ៕ #ពិតពិតក្នុងទូរស័ព្ទអ្នក