បពិត្រព្រះអង្គដ៏ចម្រើន តើបាយសម្លដែលខ្ញុំព្រះករុណាប្រគេនព្រះសង្ឃនោះបានដល់ញាតិ ពិសារឬទេ?

ម្នាលនាង ទី១ ការប្រគេនចង្ហាន់ព្រះសង្ឃនេះជាអំពើល្អ ជាបុណ្យកុសលព្រោះជាចេតនាចង់ឱ្យគេបានសុខ ចង់ឱ្យព្រះសង្ឃឆាន់បំបាត់ការស្រេកឃ្លាន គឺនាងខ្លួនឯងបានសន្សំបុណ្យនេះទុកហើយ។ ទី២ បើញាតិនាងបានដឹងហើយត្រេកអរ អនុមោទនានឹងអំពើល្អនេះ នឹងបានចំណែកបុណ្យនេះ ហើយបុណ្យនេះនឹងឱ្យផលដល់ញាតិទាំងនោះតាមសមគួរ ឱ្យបានសេចក្ដីសុខ ឬធូរស្រាលពីទុក្ខវេទនា និងឆាប់រួចផុតពីភពលំបាកបាន។