តើលោកអ្នក ដែលមើលឃើញបុណ្យដែរឬទេ? បុណ្យគ្រាន់តែជាឈ្មោះសម្រាប់ ហៅ មើលមិនឃើញទេ តែបើផលបុណ្យ យើងមើលឃើញបាន តើមើលឃើញបានដោយរបៀបណា? ឧ. បើយើងស្ទូងស្រូវ ហៅថាអំពើ ពេលស្រូវដុះចេញផ្កាផ្លែមកវិញ ហៅថា ផលស្រូវ យ៉ាងណា ការធ្វើបុណ្យក៏ដូចគ្នា បើយើង យកទេយ្យវត្ថុ មានសំពត់សាដក និងចង្ហាន់ឬបាយ១ស្រាក់ ទៅប្រគេនភិក្ខុសង្ឃ ហៅថាអំពើបុណ្យ ដល់ពេលភិក្ខុសង្ឃឬអង្គសាមណេរ លោកឆាន់ឬប្រើប្រាស់វត្ថុទាំងអស់នោះរួច វានឹងកើតចេញមកវិញនូវបុណ្យកុសល ដែលយើងថា ផលបុណ្យ ហើយផលបុណ្យនេះ យើងមើលមិនឃើញមែន តែយើងអាច ឧទ្ទិសផលបុណ្យនោះ ដល់ប្រេតជាញាតិរបស់យើងបាន ។ តើបានដោយរបៀបណា? ឧទ្ទិសចំៗឈ្មោះ របស់អ្នកស្លាប់ ក្រែងលោកភ្លាត់សតិស្មារតី ទៅកើតក្នុងទីណាមួយមិនសមរម្យ ទើបយើងធ្វើបុណ្យនេះ ឧទ្ទិសជូនគាត់ ។