📣 🔜មហាព្រឹត្តិការណ៍ប្រគំតន្ត្រីសប្បុរសធម៌ដ៏ធំសម្បើមប្រចាំឆ្នាំ២០២៦ «សាមគ្គីភាពមនុស្សធម៌ ដើម្បីមាតុភូមិ និងស្នាមញញឹមកុមារកម្ពុជា» 🙏សម្លេងនៃការដឹងគុណ និងសេចក្តីស្រឡាញ់បានបន្លឺឡើង! ដើម្បីសម្តែងនូវគារវភក្តីភាពដ៏ជ្រាលជ្រៅជូនដល់ «វីរកងទ័ពជួរមុខ» ដែលបានលះបង់ដើម្បីបូរណភាពទឹកដី ព្រមទាំងរួមគ្នាកសាង «អនាគត និងស្នាមញញឹមកុមារកម្ពុជា» តាមរយៈការគាំទ្រដល់មូលនិធិមន្ទីរពេទ្យគន្ធបុប្ផា។ 🤝កិច្ចសហការសាមគ្គីភាពដ៏អស្ចារ្យរវាង ផលិតកម្ម Galaxy Navatra, ក្រុមហ៊ុន Khmer Beverage និងក្រុមហ៊ុន NANO Sound បានពួតដៃគ្នាយ៉ាងរឹងមាំក្នុងការរៀបចំមហាព្រឹត្តិការណ៍សប្បុរសធម៌នេះឡើង ដើម្បីកៀរគរថវិកាពីសប្បុរសជនគ្រប់ទិសទី ក្នុងបុព្វហេតុដ៏ឧត្តុង្គឧត្តមសម្រាប់ជាតិ និងប្រជាជនកម្ពុជា។ ❤️ជួបជាមួយភាពរីករាយ និងការសម្តែងដ៏អស្ចារ្យរយៈពេល ៣ ថ្ងៃពេញ! - ថ្ងៃទី១៤ ខែសីហា៖ រំជួលចិត្តជាមួយការសម្តែងទម្រង់សិល្បៈបុរាណ ល្ខោនបាសាក់ ភី សុគន្ធី - ថ្ងៃទី១៥ & ១៦ ខែសីហា៖ បរិយាកាសរីករាយឥតដែនកំណត់ ជាមួយការសម្តែងពីកំពូលតារាចម្រៀងប្រុសស្រីល្បីៗប្រចាំ ផលិតកម្ម Galaxy Navatra - ពិសេសជាងនេះទៅទៀតអ្នកចូលរួមទស្សនាភ្លក់រសជាតិប្លែកៗនៅស្តង់ម្ហូបអាហារ និងគាំទ្រស្នាដៃកូនខ្មែរនៅស្តង់ពិព័រណ៍ «ភូមិមួយ ផលិតផលមួយ» យ៉ាងច្រើនសន្ធឹកសន្ធាប់! 👉កម្មវិធីប្រព្រឹត្តធ្វើនៅថ្ងៃទី ១៤ - ១៥ - ១៦ ខែសីហា ឆ្នាំ២០២៦ (ចាប់ពីម៉ោង ៦:០០ ល្ងាចតទៅ) 📍ទីតាំង៖ ដីឡូត៍លេខ ៨៧៨ ភូមិត្រពាំងថ្លឹង ទល់មុខផ្សារទំនើបជីបម៉ុង ផ្លូវវេងស្រេង។ 😘🥰😍ពុកម៉ែបងប្អូនអាចចូលរួមបរិច្ចាគថវិកាសប្បុរសធម៌ដោយផ្ទាល់នៅទីតាំងកម្មវិធីប្រគំតន្រ្តី។ 🎯ព្រឹត្តិការណ៍នេះមានផ្សាយផ្ទាល់ជូនទស្សនាយ៉ាងច្បាស់ត្រជាក់ភ្នែកលើទូរទស្សន៍ឌីជីថល Galaxy TV 4K សហការរៀបចំកម្មវិធីដោយ៖ ផលិតកម្ម Galaxy Navatra ក្រុមហ៊ុន Khmer Beverage ក្រុមហ៊ុន NANO Sound 👉មានស្តង់សម្រាប់ជួលដាក់តាំង និងលក់ផលិតក្នុងកម្មវិធីរយៈពេល ៣ថ្ងៃ។ តស់! ចូលរួមទាំងអស់គ្នា ដើម្បីបង្ហាញទឹកចិត្តសាមគ្គីភាព បង្កើតស្នាមញញឹម និងធ្វើបុណ្យរួមគ្នា!