លោកជំទាវអ្នកឧកញ៉ា ម៉ៅ ចំណាន ចេញមុខជួយថវិកា ១២លានរៀល ដល់អតីតថៅកែផលិតកម្មវត្តភ្នំ ក្រោយធ្លា....ក់ខ្លួនដើរសុំទាន ៖ លោកជំទាវអ្នកឧកញ៉ា ម៉ៅ ចំណាន គិតម៉េង ប្រធានសមាគមសិល្បករខ្មែរ បានឧបត្ថម្ភថវិកាចំនួន ១២លានរៀលជួយលោក ប្រាក់ សារិន ហៅ ហុង អតីតចាងហ្វាងផលិតកម្ម «វត្តភ្នំ» ដើម្បីសម្រាលបន្ទុកដែលលោកកំពុងជួបការលំបាក បន្ទាប់ពីបានឃើញវីដេអូផ្សព្វផ្សាយថា អតីតថៅកែផលិតកម្ម «វត្តភ្នំ» ឆ្នាំ១៩៨៧ លោក ប្រាក់ សារិន ហៅ ហុង ធ្លាក់ខ្លួនមានពិការភាពភ្នែក និងកំពុងមានជីវភាពលំបាកខ្លាំងដើរសុំអាហារតាមវត្តអារាមដើម្បីទទួលទានប្រចាំថ្ងៃ។ក្នុងថវិកាចំនួន ១២លានរៀលនេះ ២លានរៀលជាថវិកាមូលនិធិរបស់សមាគមសិល្បករខ្មែរ និង១០លានរៀលទៀត ជាថវិការបស់លោកជំទាវអ្នកឧកញ៉ាផ្ទាល់ខ្លួន ថវិកានេះ ក្រុមការងាររបស់សមាគម បាននិងកំពុងចាត់ចែងរៀបចំ ដើម្បីយកទៅប្រគល់ជូនលោក ប្រាក់ សារិន ដោយផ្ទាល់។