សូមជួយចែករំលែកដំណឹងបន្ទាន់ពីមន្ទីរពេទ្យបង្អែកខេត្តតាកែវ ដែលកំពុងប្រកាសស្វែងរកក្រុមគ្រួសារ និងសាច់ញាតិរបស់អ្នកជំងឺឈ្មោះ ស.ណ ភេទស្រី អាយុ ២៣ឆ្នាំ។ យោងតាមសេចក្តីប្រកាស អ្នកជំងឺត្រូវបានមិត្តភក្តិរួមការងារបញ្ជូនមកសង្គ្រោះនៅវេលាម៉ោង ២និង ៣៥នាទីព្រឹក ថ្ងៃទី០៣ ខែកក្កដា ឆ្នាំ២០២៦ ក្នុងស្ថានភាពសន្ល//ប់បា//ត់ស្មារតី។ បច្ចុប្បន្ន អ្នកជំងឺកំពុងសម្រាកព្យាបាលនៅផ្នែកប្រពោធនកម្មជំងឺទូទៅ ដោយទទួលបានការថែទាំយ៉ាងយកចិត្តទុកដាក់ពីក្រុមគ្រូពេទ្យ។ ទោះជាយ៉ាងណា តាមការសាកសួរមិត្តភក្តិដែលមកសួរសុខទុក្ខ គឺមិនមានអ្នកណាស្គាល់ឈ្មោះពេញ និងអាសយដ្ឋានពិតប្រាកដរបស់គាត់ឡើយ។ អាស្រ័យហេតុនេះ សូមសាធារណជនដែលស្គាល់ ឬដឹងដំណឹងសាច់ញាតិអ្នកជំងឺ មេត្តាទំនាក់ទំនងទៅកាន់មន្ទីរពេទ្យបង្អែកខេត្តតាកែវផ្ទាល់ ដែលស្ថិតនៅភូមិ៣ សង្កាត់រកាក្នុង ក្រុងដូនកែវ ខេត្តតាកែវ ឬតាមរយៈលេខទូរសព្ទ ០៩៦ ៩៧១ ៧១៨៩ និង ០៣១ ៩៧១ ៧១៨៩។»