#ព័ត៌មានអន្តរជាតិ #ព័ត៌មានថៃ
នាយករដ្ឋមន្ត្រី អនុទីន ប្រញាប់ប្រញាល់ទៅកាន់តំបន់ប៉ាតាយ៉ា ជុំវិញករណីឃាតកម្មដ៏គួរឱ្យភ្ញាក់ផ្អើលលើបងប្អូនជនជាតិរុស្ស៊ី និងគ្រួសារថៃ
ឈុនបុរី ប្រទេសថៃ — នាយករដ្ឋមន្ត្រី អនុទីន ឆានវីរៈគុល បានធ្វើដំណើរទៅកាន់តំបន់ប៉ាតាយ៉ា នៅរសៀលថ្ងៃសៅរ៍ ដើម្បីតាមដានការស៊ើបអង្កេតដោយផ្ទាល់លើការស្លាប់របស់បងប្អូនជនជាតិរុស្ស៊ីពីរនាក់ និងសមាជិកគ្រួសារថៃបីនាក់ ដែលជាករណីមួយដែលបានទាក់ទាញការចាប់អារម្មណ៍យ៉ាងទូលំទូលាយពីអន្តរជាតិ និងបង្កើនការព្រួយបារម្ភអំពីសុវត្ថិភាពសាធារណៈ និងមុខមាត់អន្តរជាតិរបស់ប្រទេស។
អនុទីន បាននិយាយថា ការសម្លាប់ដ៏ឃោរឃៅនេះបានធ្វើឱ្យខូចកេរ្តិ៍ឈ្មោះសុវត្ថិភាពរបស់ប្រទេសថៃសម្រាប់អ្នកទេសចរ ហើយបានអំពាវនាវឱ្យមានការដាក់ទណ្ឌកម្មយ៉ាងធ្ងន់ធ្ងរ ប្រសិនបើជនសង្ស័យត្រូវបានកាត់ទោស ខណៈពេលដែលទទូចថាពួកគេមិនត្រូវទទួលបានជំនួយពិសេសណាមួយឡើយ។ លោកបានពិពណ៌នាអំពីឧក្រិដ្ឋកម្មទាំងនេះថាស្មើនឹង "ការសម្លាប់ប្រជាជាតិថៃទាំងមូល" ពីព្រោះវាធ្វើឱ្យខូចដល់កិច្ចខិតខំប្រឹងប្រែងក្នុងការកសាងទំនុកចិត្តក្នុងចំណោមភ្ញៀវទេសចរ និងអ្នកស្រុកបរទេស។

សូមអរគុណអង្គការUNISCO ដែលបានប្រកាសថ្កោលទោសលេីការបំផ្លិចបំផ្លាញសម្បត្តិបេតិកភណ្ឌពិភពលោកក្នុងជម្លោះប្រដាប់អាវុធ​! កាលពីថ្ងៃទី២៨​ ខែកក្កដា​ ២០២៦!
ការរង់ចាំស្វែងរកយុត្តិធម៌សម្រាប់ប្រាសាទព្រះវិហារដែលបានបំផ្លិចបំផ្លាញដោយទាហានសៀមឈ្លានពាននិងរំលោភបំពានច្បាប់អន្តរជាតិដោយឈរលេីហេតុផលជាលេសរាប់លានជំពូកក៏ដោយ​ចុះ! ឥឡូវនេះបានចាប់ផ្តេីមផ្តល់ក្តីសង្ឃឹមនិងទំនុកចិត្តលេីពិភពលោកមួយមានច្បាប់ទម្លាប់ទោះបីជាមានឥទ្ធិពលពហុមហាអំណាច​ ឬមហាអំណាចផ្តាច់មុខយ៉ាងណាក្តី​ ច្បាប់អន្តរជាតិនៅតែមានប្រសិទ្ធភាពប្រសិនជាមនុស្សជាតិនាំគ្នាគោរពអនុវត្តន៍។

ក្រសួងមហាផ្ទៃកោះហៅលោកស្នងការនិងស្នងការរងខេត្តព្រៃវែងចូលបំភ្លឺករណីកៀបយកលុយអាជីវករ១ខែ ១ម៉ឺនដុល្លារ នៅរសៀលម៉ោង២នេះ !
យោងតាមប្រពភច្បាស់ការមួយបានបង្ហើបអោយដឹងថា នៅរសៀលម៉ោង២ថ្ងៃទី៣១ខែកក្កដាឆ្នាំ២០២៦នេះ នាយកដ្ឋានទទួលពាក្យបណ្តឹងនិងអង្កេតស្រាវជ្រាវកិច្ចការនគរបាល នៃក្រសួងមហាផ្ទៃបានកោះហៅលោកឧត្តមសេនីយ៌ទោ ឈឿន ប៊ុនឆន ស្នងការខេត្តព្រៃវែងនិងលោក ឡេង ពៅ ស្នការរងទទួលបន្ទុកសេនាធិការខេត្ត អោយចូលខ្លួនបំភ្លឺករណីដាក់ខែយកលុយពីអាជីវករខេត្តព្រៃវែងក្នុង១ខែ ១ម៉ឺនដុល្លារ ។
សូមបញ្ជាក់ថា អាជីវករដែលរងទុក្ខបុកម្នេញពីសំណាក់ប៉ូលិសខេត្តព្រៃវែងនោះ គឺលោកឧកញ៉ា ជឹម សុខ ប្រធានសភាពាណិជ្ជកម្មខេត្តព្រៃវែង ដែលមានមុខជំនួញនាំគោ.ក្របីទៅលក់នៅប្រទេសវៀតណាម ។
លោកឧកញ៉ា ជឹម សុខ បានបញ្ជាក់តាមទូរស័ព្ទនៅវេលាម៉ោង១១និង៤៧នាទីមុននេះថា ក្រុមហ៊ុនគាត់មានច្បាប់អនុញ្ញាតពីស្ថាប័នជំនាញនិងអាជ្ញាធរខេត្តហើយបានបំពេញកាតព្វកិច្ចបង់ពន្ធគយត្រឹមត្រូវទាំងអស់ ហើយនៅតែត្រូវប៉ូលិសខេត្តព្រៃវែងធ្វើទុក្ខបុកម្នេញតម្រូវអោយបង់លុយប្រចាំខែក្នុង១ខែ ១ម៉ឺនដុល្លារ ជាកំហិត ។ ដោយអត់ទ្រាំនិងការរំខានមុខជំនួញស្របច្បាប់របស់គាត់ពីសំណាក់លោកស្នងការនិងស្នងការងខេត្តព្រៃវែង ទើបលោកឧកញ៉ាទម្លាយរឿងនេះតែម្តង ។ ពាក្យចាស់ពោលថា ធ្វើអោយដល់.ក.ហើយត្រូវបើកទម្លាយអោយថ្នាក់ដឹកនាំក្រសួងមហាផ្ទៃបានដឹងនិងជួយអន្តរាគមន៌ ។
ពាក់ព័ន្ធករណីនេះ ចាំមើលថាតើលោកស្នងការនិងស្នងការរងខេត្តព្រៃវែងអាចលោតផុតពីអន្ទាក់ច្បាប់បានដែររឺទេ ? ។ ព្រោះនៅរសៀលថ្ងៃទី៣១ខែកក្កដានេះ ខាងនាយកដ្ឋានទទួលពាក្យបណ្តឹងនិងអង្កេតស្រាវជ្រាវកិច្ចការនករបាល អោយចូលខ្លួនបំភ្លឺជុំវិញរឿងនេះហើយ ដោយតាមបទបញ្ជារពីរដ្ឋមន្ត្រីក្រសួងមហាផ្ទៃ ស សុខា ។ ចំណែកលោកស្នងការនិងស្នងការរងខេត្តព្រៃវែង មិនអាចទាក់ទងសុំការបំភ្លឺបានទេ ៕ អត្ថបទ៖ ដោយចក្រី

ស្នងការ​នគរបាល​ខេត្ត​ព្រៃវែង​ លោកឧត្ដមសេនីយ៍​ទោ​ ឈឿន​ ប៊ុន​ឆន​ និង​ លោក​ ឡេង​ ពៅ​ ស្នងការ​រង​ទទួលបន្ទុក​សេនាធិការ​ បាន​រងការ​ចោទប្រកាន់​ថា​ បាន​ធ្វើ​ទុក្ខបុកម្នេញ​លេី​ពាណិជ្ជករ​ដែល​រកស៊ី​ត្រឹមត្រូវ​តាមច្បាប់​ និង​បាន​តម្រូវ​អោយ​ ពាណិជ្ជករ​រកស៊ី​ត្រូវ​បង់​លុយប្រចាំខែ​ជូ​ន​ស្នងការ​ ១ខែ​ ១ម៉ឺន​ដុល្លារ​ ។

ក្រុមគ្រួសារ​ សាម​ ម៉ីជូ​ បាននាំឈ្មោះ​ សាម​ ម៉ីជូ​ មកប្រគល់​ជូន​សមត្ថកិច្ច​នគរបាល​ចរាចរណ៍​ផ្លូវគោក​ នៃ​ ស្នងការដ្ឋាន​នគរបាល​រាជធានី​ភ្នំពេញ​រួចហើយ​នៅរសៀល​ថ្ងៃ​ទី​ ៣០​ ខែ​ កក្កដា​ ឆ្នាំ​ ២០២៦​ នេះ​ ដេីម្បី​សមត្ថកិច្ច​ចាត់​ការ​តាម​និតិវិធី​ច្បាប់​ ពាក់ព័ន្ធ​បទល្មើស​បង្ករ​គ្រោះថ្នាក់​ចរាចរណ៍​បណ្ដាល​ឱ្យ​ជនរងគ្រោះ​ស្លាប់​ ។

ទីបំផុត​សមត្ថកិច្ច​នគរបាល​ចរាចរណ៍​ផ្លូវគោក​រាជធានីភ្នំពេញ​ បាន​ធ្វើ​កំណត់​ហេតុ​ឃាត់ខ្លួន​ឈ្មោះ​ សាម​ ម៉ីជូ​ រួចហើយ​បន្ទាប់​ពី​សួរចម្លេីយ​ចប់​ ។ ថ្ងៃ​ស្អែក​សមត្ថកិច្ច​នឹង​បញ្ជូន​ឈ្មោះ​ សាម​ ម៉ីជូ​ ទៅ​សាលា​ដំបូង​រាជធានី​ភ្នំពេញ​ដើម្បី​ចាត់​ការ​បន្តតាមនិតិវិធីច្បាប់​ ។

សេចក្តីប្រកាសព័ត៌មាន
អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា សូមជម្រាបជូនសាធារណជន អ្នកសារព័ត៌មានជាតិ និងអន្តរជាតិមេត្តាជ្រាបថា៖
នៅថ្ងៃចន្ទ ទី២៧ ខែកក្កដា ឆ្នាំ២០២៦ វេលាម៉ោង ០៩:០០នាទីព្រឹក ឧត្តមសេនីយ៍ឯក ពៅ ហេង មេបញ្ជាការរងកងទ័ពជើងគោក និងជាមេបញ្ជាការយោធភូមិភាគទី៤ បានទទួលជួបសម្តែងការគួរសម និងពិភាក្សាការងារជាមួយក្រុមអ្នកសង្កេតការណ៍អាស៊ានប្រចាំប្រទេសកម្ពុជា (ASEAN Observer Team - Cambodia: AOT-KH) ដឹកនាំដោយឧត្តមនាវីត្រី GLENN Z DIZON ប្រធានបេសកកម្មក្រុមអ្នកសង្កេតការណ៍អាស៊ាន (HOM AOT) និងជាមន្ត្រីយោធាហ្វីលីពីនប្រចាំកម្ពុជា ដោយមានការសម្របសម្រួលពីសំណាក់ក្រុមអ្នកសម្របសម្រួល (CLG) នៃព្រះរាជាណាចក្រកម្ពុជា នៅខេត្តសៀមរាប ។
ក្នុងឱកាសនេះ ឧត្តមសេនីយ៍ឯក ពៅ ហេង មេបញ្ជាការយោធភូមិភាគទី៤ បានថ្លែងនូវការស្វាគមន៍ចំពោះក្រុមអ្នកសង្កេតការណ៍អាស៊ានប្រចាំប្រទេសកម្ពុជា ក្រោមអាណត្តិដឹកនាំដោយប្រទេសហ្វីលីពីន ដែលបានអញ្ជើញមកកាន់បញ្ជាការដ្ឋានយោធភូមិភាគទី៤ នាពេលនេះ ហើយឯកឧត្តមមេបញ្ជាការ បានសម្តែងនូវការអរគុណយ៉ាងក្រៃលែងចំពោះការប្តេជ្ញាចិត្តយ៉ាងមុតមាំ និងកិច្ចខិតខំប្រឹងប្រែងរបស់ក្រុមអ្នកសង្កេតការណ៍អាស៊ានកន្លងមករហូតដល់បច្ចុប្បន្ន ក្នុងការចូលរួមគាំទ្រដល់ការលើកកម្ពស់សន្តិភាព ស្ថិរភាព និងទំនុកចិត្តក្នុងតំបន់ ក្រោមយន្តការអាស៊ាន។ ទន្ទឹមនឹងនេះ ឯកឧត្តមមេបញ្ជាការ ក៏បានជម្រាបជូន ប្រតិភូក្រុមអ្នកសង្កេតការណ៍អាស៊ាន អំពីការវិវត្តថ្មីៗនៃស្ថានភាពព្រំដែនកម្ពុជា-ថៃ ផងដែរ។

នាព្រឹកថ្ងៃទី២២ ខែកក្កដា ឆ្នាំ២០២៦ ឯកឧត្តម ឧត្តមសេនីយ៍ឯក រ៉ាត់ ដារ៉ារ័ត្ន រដ្ឋលេខាធិការ ក្រសួងការពារជាតិ បានដឹកនាំគណៈប្រតិភូ នៃកងយោធពលខេមរភូមិន្ទ ចូលរួមកិច្ចសន្ទនាគោលនយោបាយការពារជាតិ កម្ពុជា–សហរដ្ឋអាមេរិក លើកទី៤ នៅរដ្ឋធានីវ៉ាស៊ីនតោន សហរដ្ឋអាមេរិក។
នៅក្នុងកិច្ចប្រជុំនោះ ឯកឧត្តមរដ្ឋលេខាធិការ ត្រូវបានទទួលស្វាគមន៍ដោយ លោកជំទាវ Lori D. Abele ឧបការីរងរដ្ឋមន្ត្រីក្រសួងសង្គ្រាមសហរដ្ឋអាមេរិកស្តីទី និងសហការី នៅមន្ទីរបញ្ចកោណសហរដ្ឋអាមេរិក។
ក្នុងឱកាសនៃកិច្ចសន្ទនានោះ ភាគីទាំងពីរបានពិភាក្សា និងផ្លាស់ប្តូរយោបល់ទៅវិញទៅមកលើការបន្តពង្រឹងកិច្ចសហប្រតិបត្តិការយោធាទ្វេភាគីកម្ពុជា–សហរដ្ឋអាមេរិក លើវិស័យសំខាន់ៗមួយចំនួនរួមមាន ការធ្វើសមយុទ្ធរួមគ្នា ការអភិវឌ្ឍធនធានមនុស្ស ការបណ្តុះបណ្តាល និងកិច្ចសហប្រតិបត្តិការផ្សេងៗទៀត។ ជាមួយគ្នានោះ ឯកឧត្តមរដ្ឋលេខាធិការ ក៏បានជម្រាបជូនបន្ថែមអំពីបច្ចុប្បន្នភាព នៃស្ថានភាពព្រំដែនកម្ពុជា-ថៃផងដែរ ព្រមទាំងថ្លែងនូវការអរគុណយ៉ាងខ្លាំងចំពោះការគាំទ្រ និងចូលរួមកន្លងមករបស់សហរដ្ឋអាមេរិកលើបញ្ហាព្រំដែនវាងកម្ពុជា-ថៃ។