សូមជ្រះថ្លាអនុមោទនា បុណ្យវិសាខបូជា ជាបុណ្យកតញ្ញូចំពោះព្រះពុទ្ធ ដែលជាព្រះបិតាវិវដ្តៈ ជាថ្ងៃទ្រង់ប្រសូតិ ថ្ងៃទ្រង់ត្រាស់ដឹង និងថ្ងៃទ្រង់ចូលបរិនិព្វាន យើងទាំងអស់គ្នាជាសាវ័ក ជាពុទ្ធបរិស័ទរបស់ព្រះអង្គ ត្រូវមានកតញ្ញូចំពោះព្រះអង្គឱ្យក្រៃលែងបំផុត បើខ្វះធម៌កតញ្ញូ យើងក្លាយជាបុគ្គលគ្មានគុណធម៌ ប្រៀបដូចភាជនៈផ្កាប់ស្ងួតទទេ ដែលគ្មានទឹកតិចតួចឡើយ ព្រះអង្គសំដែងថា កតញ្ញូជាប្រធាននៃបារមីទាំងឡាយ ជាកំពូលនៃគុណធម៌ដែល ខ្ពង់ខ្ពស់ អស្ចារ្យ ក្រៃលែងបំផុត ក្នុងលោកនេះ ។ព្រះអង្គបានបញ្ជាក់ថា កតញ្ញូតាសមំ នត្ថិ តិវិធំ ឧត្តមំ វរំ (បុណ្យនិង សេចក្តីសុខ) ប្រៀបស្មើដោយកតញ្ញូតាធម៌ មិនមានឡើយ ធម៌កតញ្ញូនេះ មានគុណានុភាព ខ្ពង់ខ្ពស់ បំផុតក្នុងលោក។បុគ្គលណាបានបំពេញកតញ្ញូចំពោះព្រះអង្គ ហើយរមែងមានតេជះរុងរឿង អស្ចារ្យបំផុត ក្នុងចំណោមជនទាំងឡាយ ដ៏ច្រើនក្នុងលោកនេះ។
ភិក្ខុធម្មត្ថេរោ
🙏🏻🪷🪷🪷🪷🪷🙏🏻

នំបញ្ចុក) គឺជាមុខម្ហូបប្រពៃណីជាតិដ៏ល្បីល្បាញរបស់ប្រទេសកម្ពុជា ដែលគេនិយមទទួលទានជាអាហារពេលព្រឹក អាហារសម្រន់ ឬក្នុងពិធីជប់លៀងផ្សេងៗ។ មុខម្ហូបនេះមានគ្រឿងផ្សំសំខាន់ៗគឺ នំបញ្ចុកធ្វើពីអង្ករ ទឹកសម្លប្រហើរពណ៌បៃតងខ្ចី ដែលមានរសជាតិឈ្ងុយឆ្ងាញ់ និងដិតដាម ព្រមទាំងបន្លែស្រស់ៗដូចជាត្រសក់ ព្រលឹត ល្ហុង ត្រយូងចេក សណ្ដែកបណ្តុះ ត្រកួនស្ងោ ផ្កាត្រកៀត ជីររណា ជីរក្រហម សណ្ដែកកួរ ភ្លៅកង្កែប ស្លឹកខ្ទម្ពទេស ផ្កាស្នោ ឬបន្លែផ្សេងៗទៀត តាមចំណង់ចំណូលចិត្ត។

#នំបញ្ចុកសម្លខ្មែរ
#ម្ហូបប្រពៃណីជាតិ
#អត្តសញ្ញាណជាតិខ្មែរ