អាសូរណាស់! ក្មេងប្រុសអាយុ ១៥ឆ្នាំម្នាក់ មានបញ្ហាសតិអារម្មណ៍ (អូរទីហ្សិម) រត់ទៅលោតទឹកស្ទឹងសង្កែសម្លាប់ខ្លួន
​បាត់ដំបង៖ ហេតុការណ៍ដ៏រន្ធត់ និងគួរឱ្យសង្វេគមួយបានកើតឡើង បន្ទាប់ពីក្មេងប្រុសម្នាក់ដែលត្រូវបានដឹងថាមានជំងឺសតិអារម្មណ៍ (អូរទីហ្សិម) បានរត់ចុះទៅលោតទឹកស្ទឹងសង្កែសម្លាប់ខ្លួន បង្កឱ្យមានការភ្ញាក់ផ្អើលយ៉ាងខ្លាំង កាលពីវេលាម៉ោង ១៥ និង ១៥នាទី រសៀលថ្ងៃទី០២ ខែកក្កដា ឆ្នាំ២០២៦ នៅចំណុចខាងមុខសណ្ឋាគារឃីងហ្វីស (King Fish) ស្ថិតក្នុងភូមិរំចេក៤ សង្កាត់រតនៈ ក្រុងបាត់ដំបង។
​សមត្ថកិច្ចបានឱ្យដឹងថា ក្មេងប្រុសរងគ្រោះមានឈ្មោះ ឌី សុឌិន អាយុ ១៥ឆ្នាំ រស់នៅភូមិរំចេក៣ សង្កាត់រតនៈ ក្រុងបាត់ដំបង។
​យោងតាមការបំភ្លឺពីស្ត្រីជាម្តាយបង្កើតរបស់ក្មេងរងគ្រោះ ឈ្មោះ ផុង ម៉ាលីចរិយា បានរៀបរាប់ទាំងទឹកភ្នែកថា កូនប្រុសរបស់គាត់គឺជាមនុស្សមានជំងឺសតិអារម្មណ៍ (អូរទីហ្សិម) តាំងពីដើមមក។ នៅមុនពេលកើតហេតុ កូនប្រុសបានរករឿងឱ្យគាត់ជួយឌុបជូនទៅជួបឪពុក ដែលកំពុងធ្វើជាសន្តិសុខយាមម៉ូតូ និងរថយន្តនៅក្បែរវិមានឯករាជ្យ ក្រុងបាត់ដំបង។
​ស្ត្រីជាម្តាយបានបន្តថា លុះពេលធ្វើដំណើរមកដល់ចំណុចខាងមុខសណ្ឋាគារឃីងហ្វីស គាត់ក៏បានអែបម៉ូតូឈប់ដើម្បីនិយាយទូរស័ព្ទមួយភ្លែត ស្រាប់តែពេលនោះ កូនប្រុសបានស្ទុះរត់ចុះពីលើម៉ូតូ សំដៅទៅលោតចូលទៅក្នុងទឹកស្ទឹងសង្កែភ្លាមៗតែម្តង។ ភ្លាមៗនោះ គាត់បានទូរស័ព្ទហៅប្តី និងបងប្អូន ព្រមទាំងអ្នកជិតខាងឱ្យជួយចុះរាវរកយ៉ាងខ្នះខ្នែង ប៉ុន្តែជាអកុសល ពេលដែលរកឃើញ គឺក្មេងប្រុសរងគ្រោះបានដាច់ខ្យល់ស្លាប់បាត់បង់ជីវិតទៅហើយ។
​ក្រោយកើតហេតុ កម្លាំងសមត្ថកិច្ចជំនាញបានចុះមកដល់ទីតាំងផ្ទាល់ ដើម្បីពិនិត្យ និងធ្វើកោសល្យវិច័យលើសាកសព។ ជាលទ្ធផល សមត្ថកិច្ចបានសន្និដ្ឋានថា ក្មេងប្រុសខាងលើពិតជាបានស្លាប់ដោយសារ «លង់ទឹក» ពិតប្រាកដមែន ដោយពុំមានស្លាកស្នាមពាក់ព័ន្ធនឹងករណីអ្វីផ្សេងឡើយ។
​បច្ចុប្បន្ន សមត្ថកិច្ចបានរៀបចំធ្វើកំណត់ហេតុ និងប្រគល់សាកសពក្មេងប្រុសរងគ្រោះ ជូនទៅឱ្យក្រុមគ្រួសារ ដើម្បីយកទៅធ្វើបុណ្យតាមប្រពៃណីទាំងក្តីក្តុកក្តួលបំផុត៕

៚លោកគ្រូសូម អរគុណច្រើនហើយ ជូនពរសូមអោយមានសុខភាពល្អ សុខសប្បាយសំណាងល្អ ជួបមនុស្សល្អ ការងារល្អប្រសើរ មុខរបរ រីកចម្រើន លុយចូលច្រើនៗ សុខសុវត្តិភាពគ្រប់ទីកន្លែង គ្រប់ពេលវេលា និងសូមអោយមានង៉ូវហេងរហូតណា
៚ចាំណា! ដើម្បីធ្វើអោយខ្លួនឯងមានសំណាង ការរស់នៅ ការធ្វើការងារ ការរកសុី ការទំនាក់ទំនង និងការធ្វើដំណើរ គឺត្រូវយកចិត្តទុកដាក់និងប្រុងប្រយ័ត្នគ្រប់មនុស្ស គ្រប់ទីកន្លែង និងគ្រប់ពេលវេលា ហើយដើម្បីអោយជីវិតជួបរឿងល្អៗច្រើនត្រូវគិតរឿងល្អៗ និយាយរឿងល្អៗ ធ្វើល្អរឿងៗ ស្មោះត្រង់ មានគុណធម៌ និងកុំលោភលន់! ពីខ្ញុំ Feng Shui Master Hong