ព្រះពុទ្ធសាសនាពិតជាមានតម្លៃមិនអាចកាត់ថ្លៃបាននោះទេ សូមសិក្សាឈ្វេងយល់ពីព្រះវិន័យ ព្រះប្រសូត្រនិងព្រះអភិធម្ម ហើយបដិបត្តិ សីល សមាធិ បញ្ហា ដល់កម្រិតពាល់ត្រូវទើបដឹងថាព្រះធម៌របស់ព្រះពុទ្ធគឺពិតជាអស្ចារ្យបំផុត។សូមអនុមោទនាសីលធំថ្ងៃ15កើតនៅថ្ងៃស្អែកទាំងអស់គ្នា

មនុស្សគ្រប់រូបពិតជាចាំបាច់ណាស់ក្នុងការឈ្វេងយល់ពី សីល សមាធិ បញ្ញា ។

មនុស្សល្អ រស់នៅក្នុងសង្គមព្រះពុទ្ធសាសនា ជាមនុស្សមានតម្លៃ មានកតញ្ញូត្រូវមានធម៌ពីរនេះគឺៈ
១_សច្ចៈ ជាឫសគល់នៃកុសលធម៌បានដល់សីល ចម្រើននូវបុណ្យ ទាំងយប់ ទាំងថ្ងៃ ហើយជាផ្លូវស្អាតផង ជាវត្ថុស្អាតផង គឺកាយស្អាត វាចាស្អាត ចិត្តស្អាត ប្រព្រឹត្តធ្វើតែអំពើល្អ ព្រះអង្គពោលថា នត្ថិ សច្ចសមំ បុញ្ញំ ពុំមានបុណ្យឯណាឱ្យស្មើសច្ចៈមិនមាន។
២_ខន្តី ជាតបៈធម៌ដ៏ឧត្តម ការអប់រំចិត្តឱ្យត្រជាក់ស្ងប់ គឺជាឫសគស់នៃសេចក្តីសុខដ៏ក្រៃលែង ព្រះអង្គពោលថា នត្ថិ ខន្តិសមំ សុខំ ពុំមានសេចក្តីសុខឯណាឱ្យស្មើខន្តីមិនមាន ធម៌ពីរនេះកើតមានហើយ មានអំណាចឱ្យកើតធម៌បី សីល សមាធិ បញ្ញា ព្រះធម៌ទាំងបីនេះ សម្រាប់ញ៊ាំងជីវិត ឱ្យស្អាត បរិសុទ្ធ មិនមានមន្ទិលគ្រឿងសៅហ្មងចិត្ត នឹងបានកើតបញ្ញាចក្ខុ រហ័សត្រាស់ដឹងសច្ចធម៌។ដូច្នេះពុទ្ធបរិស័ទល្អ មានគុណតម្លៃ ប្រកបដោយកតញ្ញូ នៅក្នុងព្រះសាសនានេះ ត្រូវមានសច្ចៈ ខន្តឺ
តាំងនូវសទ្ធាមុតមាំ ដើម្បីសិក្សាព្រះបរិយត្តិធម៌ និងបដិបត្តិធម៌ តាមព្រះធម៌វិន័យ ឱ្យបានត្រឹមត្រូវល្អ ច្បាស់លាស់ ពិតប្រាកដ ពីព្រោះព្រះបរិយត្តិធម៌ និងបដិបត្តិធម៌នេះហើយ ទុកជាខែលការពារ ដ៏រឹងមាំក្រៃលែងបំផុត តែមួយគត់ សម្រាប់ការពារ ថែរក្សា ព្រះពុទ្ធសាសនា ឱ្យតាំងនៅ គង់វង្ស ចម្រើនរុងរឿង
អស់កាលយូរអង្វែង។ ព្រោះហេតុនេះ មានតែបរិស័ទជាកូន ព្រះបិតាវិវដ្តៈ ជាអតិជាតិបុត្រ មានធម៌កតញ្ញូ ប្រកបដោយបញ្ញាឈ្លាសវៃ ក្នុងធម៌វិន័យនេះទេ ទើបមានសមត្ថភាព មើលថែព្រះសាសនា ឱ្យគង់វង្សបាន ដែលអត់ពីព្រះពុទ្ធ ព្រះបិតាទៅ។
ភិក្ខុធម្មត្ថេរោ

ព្រះពុទ្ធបានទូន្មានណែនាំ ដល់បរិស័ទទាំងបព្វជិត ទាំងគ្រហស្តនៅក្នុងសាសនារបស់ព្រះអង្គ ចូរជាអ្នករីករាយជ្រះថ្លារក្សាសីល ឱ្យតាំងមាំ ឱ្យប្រសើរ ឱ្យបរិបូណ៌ និងប្រព្រឹត្តប្រតិបត្តិឱ្យល្អ បរិសុទ្ធ ផូរផង់ ក្នុងសុចរិត មានកាយសុចរិតជាដើម។ ព្រោះសីលជាគ្រឿងរក្សាខ្លួន ឱ្យសម្រេចគុណប្រយោជន៍ និងគុណសម្បត្តិ ដ៏ប្រសើរក្រៃលែងណាស់។ គុណសម្បត្តិដែលសីល តាំងនៅបាន ឫអាស្រ័យរស់នៅបានល្អ គឺ អាស្រ័យជាអ្នកមានសទ្ធាផង អាស្រ័យជាអ្នកមានសតិផង អាស្រ័យជាអ្នកមានវិរិយៈផង អាស្រ័យជាអ្នកមានខន្តីផង និងអាស្រ័យជាអ្នកមានបញ្ញាផង ។បើបុគ្គលណាមានគុណធម៌ទាំង៥យ៉ាងនេះហើយ រមែងបានគាស់ បំផ្លាញ សម្លាប់មេរោគ ដ៏កាចសាហាវ ដែលតែងតែសុីបំផ្លាញសីលឱ្យវិនាសនោះគឺៈ
១_ មេរោគប្រាថ្នាអាក្រក់ ប្រាថ្នាលាមក បំផ្លាញទឹកចិត្តដល់អ្នកដែលធ្លាប់បានជួយខ្លួន
២_មេរោគច្រណែន ឈ្នានីស ឃើញតែទោស កំហុសរបស់គេ មិនដែលឃើញ ទោស កំហុសខ្លួនសូម្បីតិចតួចឡើយ
៣_មេរោគព្យាបាទ ចងគំនុំ ចង់បានសុខ ចង់ល្បីឈ្មោះ ដើម្បីមុខមាត់ លាភ សក្ការៈ យសសក្តិ ខ្លួនឯង តែធ្វើបាបគេឱ្យកើតទុក្ខ ឈឺចាប់
៤_មេរោគប្រកាន់ត្រកូល ហួងហែង មិនឱ្យអ្នកណាចូលទៅជិត ក្បែរ បានឡើយ។
ព្រះអង្គណែនាំថា មេរោគនេះកាចសាហាវណាស់ តែងតែបំផ្លាញ សីល ឱ្យវិនាសអស់គុណធម៌ អន្តរាយកុសលអស់រលីង ហើយច្រានទម្លាក់ យើងឱ្យរងទុក្ខលំបាកក្នុង អបាយភូមិ មាន នរក ប្រេត អសុរកាយ តិរច្ឆាន អស់កាលដ៏យូរអង្វែង។
(ចូរអ្នករក្សាសីលឱ្យបានស្អាត បរិសុទ្ធ កុំប្រមាទឡើយ)។
ភិក្ខុធម្មត្ថេរោ

មនុស្សគ្រប់គ្នាពិតចាំបាច់ណាស់ដើម្បីឈ្វេងយល់ពី សីល សមាធិ បញ្ហា ហើយពួកខ្ញុំជាគ្រូបង្គោលផ្នែក សីល សមាធិ បញ្ហា សូមអរព្រះគុណនិងអរគុណ។

ការធ្វើបុណ្យរាប់បាតនៅពុទ្ធមណ្ឌលកាលពីថ្ងៃទី22ខែកុម្ភៈឆ្នាំ2026 សូមបងប្អូនអនុមោទនាបុណ្យទាំងអស់គ្នា ។