វគ្គត»
ដោយសារតែអនាគតជារឿងមិនច្បាស់លាស់ ហើយអតីតកាលគឺជារឿងដែលកន្លងហួស អ្វីដែលយើងមានពិតប្រាកដគឺ "ពេលនេះ និង ទីនេះ" យើងត្រូវការសតិ ដើម្បីដឹងខ្លួនថាកំពុងធ្វើអ្វី កំពុងនៅជាមួយនរណា ហើយទាញយកសេចក្តីសុខពីក្នុងខ្លួនយើង និងសកម្មភាពបច្ចុប្បន្ន។ ការរស់នៅក្នុងបច្ចុប្បន្ន ជួយឱ្យយើងមិនសូវខ្វល់ខ្វាយពីភាពមិនទៀងទាត់នៃថ្ងៃស្អែក។
មនុស្សគឺជាសត្វសង្គម... ក្នុងពេលដែលអ្វីៗលំបាក ឬប្រែប្រួល យើងត្រូវការនរណាម្នាក់ដែលយើងអាចពឹងផ្អែកបាន យល់ចិត្ត និងផ្តល់កម្លាំងចិត្ត។
គ្រួសារ មិត្តភក្តិល្អ និងគូជីវិតដែលស្មោះត្រង់ គឺជាជម្រកដ៏កក់ក្តៅបំផុត។
សេចក្តីស្រឡាញ់ដែលមិនទាមទារផលតបស្នង គឺជាកម្លាំងដ៏អស្ចារ្យដែលជួយទប់ទល់នឹងភាពឯកោក្នុងលោកនេះ។
ដោយសារលោកនេះប្រែប្រួល យើងក៏ត្រូវការសមត្ថភាពក្នុងការ "បត់បែន" ផងដែរ។
ដើមឈើដែលរឹងពេក ងាយនឹងបាក់នៅពេលមានខ្យល់ព្យុះ ចំណែកឯដើមឫស្សីចេះទោរទន់តាមខ្យល់ ទើបអាចរស់រានបាន។
ការបើកចិត្តទទួលយកការផ្លាស់ប្តូរ និងរៀនសូត្រពីវា គឺជាអាវុធសម្រាប់រស់រានមានជីវិត។
ការធ្វើអំពើល្អ និងការទុកកេរ្តិ៍ឈ្មោះ
ទោះបីជារាងកាយយើងត្រូវវិនាសទៅវិញនៅថ្ងៃណាមួយ ប៉ុន្តែអ្វីដែលអាចនៅស្ថិតស្ថេរគឺ "សេចក្តីល្អ និងគុណតម្លៃ" ដែលយើងបានបន្សល់ទុក (ឧ. សម្ដេច ជួន ណាត ទោះបីជាព្រះអង្គមិនមានព្រះជន្មគង់នៅក៏ពិតមែន តែកិត្តិនាម និងសេចក្ដីល្អរបស់ព្រះអង្គមិនសាបសូន្យឡើយ) ការជួយអ្នកដទៃ ការផ្តល់ស្នាមញញឹម និងការធ្វើរឿងដែលមានប្រយោជន៍ដល់សង្គម ធ្វើឱ្យជីវិតដ៏ខ្លីមួយនេះ ក្លាយជាជីវិតដែលមានន័យ និងមិនស្តាយក្រោយ។

នៅក្នុងលោកដែលមិនទៀងទាត់នេះ អ្វីដែលយើងត្រូវការពិតប្រាកដ មិនមែនជាការព្យាយាមចាប់យក ឬគ្រប់គ្រងអ្វីៗឱ្យនៅស្ថិតស្ថេរនោះទេ ប៉ុន្តែយើងត្រូវការ "បញ្ញា" ដើម្បីយល់ពីធម្មជាតិមិនទៀងនោះ រួចរស់នៅជាមួយវាដោយក្តីស្រឡាញ់ សន្តិភាព សុខភាពល្អ និងការធ្វើរឿងដែលត្រឹមត្រូវនៅក្នុងបច្ចុប្បន្ន។

_____សុវត្ថន៍-Sovathn
#សុវត្ថន៍_Sovathn #លោកមិនទៀង #មិនទៀងទាត់ #លោកប្រែប្រួល #ជីវិតមិនទៀងទាត់ #ជីវិតមិនទៀង #ច្បាប់ធម្មជាតិ

តើយើងត្រូវការអ្វី? ក្នុងលោកដែលមិនទៀងទាត់នេះ!
"រឿងដែលទៀងទាត់បំផុតក្នុងលោក គឺភាពមិនទៀងទាត់" (អនិច្ចា)
អ្វីៗតែងតែកើតឡើង តាំងនៅ ហើយរលត់ទៅវិញ ទ្រព្យសម្បត្តិ បុណ្យសក្តិ សូម្បីតែមនុស្សដែលយើងស្រឡាញ់ ក៏មិនអាចនៅជាមួយយើងជារៀងរហូតបានដែរ
ចុះបើលោកនេះមិនទៀងទាត់ទាល់តែសោះ តើយើងកើតមកពិតជាត្រូវការអ្វីឱ្យប្រាកដ?
ត្រូវការ.... យសសក្ដិ, កេរ្តិ៍ឈ្មោះ, អំណាច, ចំណេះដឹង, ខ្លួន, តណ្ហា, ក្រពះ ឬក្ដីសុខ?....

សុវត្ថន៍យករឿងនេះមកនិយាយមិនមែនចង់ឱ្យលោកអ្នកលះបង់ចោលអ្វីៗទាំងអស់នោះទេ គ្រាន់តែលើកយកមកជាករណីសិក្សា ឱ្យលោកអ្នកបានគិតពិចារណាតាមច្បាប់ធម្មជាតិ កើត ចាស់ ឈឺ ស្លាប់ មានគ្រប់គ្នាគេចមិនផុត តែមុននឹងយើងចាកចេញពីលោកនេះទៅ យើងបានធ្វើអ្វីខ្លះ? ដើម្បីជាប្រយោជន៍ដល់ខ្លួនឯង អ្នកដទៃ និងសង្គមជាតិ....

នៅពេលដែលពិភពលោកខាងក្រៅពោរពេញដោយព្យុះភ្លៀង និងការប្រែប្រួល អ្វីដែលយើងត្រូវការបំផុតគឺ "ភាពស្ងប់ស្ងាត់ពីខាងក្នុង (ចិត្តស្ងប់, ចិត្តស្កប់ស្កល់)" សន្តិភាពផ្លូវចិត្ត កើតចេញពីការចេះស្កប់ស្កល់ ការចេះលះបង់ (មិនប្រកាន់ជាប់) និងការទទួលស្គាល់ការពិតថា យើងមិនអាចគ្រប់គ្រងអ្វីៗគ្រប់យ៉ាងបានទេ បើយើងមានចិត្តស្ងប់ ទោះកាលៈទេសៈប្រែប្រួលយ៉ាងណា ក៏យើងនៅតែអាចញញឹមបាន

ទ្រព្យសម្បត្តិដ៏មហាសាលបំផុតគឺ សុខភាព
- សុខភាពកាយ.... គឺជារោងចក្រផលិតថាមពល ដើម្បីឱ្យយើងអាចដើរ ឈរ អង្គុយ ធ្វើការ និងមើលថែអ្នកដទៃ។
- សុខភាពចិត្ត.... គឺជាកម្លាំងជំរុញឱ្យយើងមានសង្ឃឹម និងតស៊ូជំនះរាល់ឧបសគ្គ បើគ្មានសុខភាពទេ អ្វីៗផ្សេងទៀតក៏បាត់បង់អត្ថន័យ។
(មានវគ្គត)