គំរូជីវិតព្រះរាហុល គឺជាមាគ៌ានៃការកសាងខ្លួន

​ព្រះរាហុល គឺជាគំរូនៃជីវិតដែលដុះចេញពីភក់ជ្រាំនៃ "មានៈ" ឆ្ពោះទៅរកពន្លឺនៃ "បញ្ញា"។ ទោះបីទ្រង់ប្រសូតក្នុងត្រកូលក្សត្រដ៏ខ្ពង់ខ្ពស់ ប៉ុន្តែទ្រង់បានជ្រើសរើសផ្លូវនៃភាពទន់ភ្លន់ និងការដាក់ខ្លួនជាធំ ដើម្បីកសាងតម្លៃពិតនៃមនុស្សជាតិ។

​រៀងរាល់ព្រឹក ព្រះអង្គតែងបាចខ្សាច់មួយក្តាប់ទៅលើអាកាស រួចតាំងចិត្តថា៖ "សូមឱ្យទូលបង្គំទទួលបាននូវដំបូន្មានឱ្យបានច្រើនដូចគ្រាប់ខ្សាច់ក្នុងក្តាប់ដៃនេះ ដើម្បីយកមកសិក្សារៀនសូត្រ និងអភិវឌ្ឍខ្លួនឱ្យកាន់តែប្រសើរឡើង"។ ស្មារតីនេះបង្រៀនយើងថា កុំធ្វើខ្លួនជា ទឹកពេញកែវ ព្រោះមនុស្សដែលចេះបន្ទាបខ្លួនសុំការណែនាំ គឺជាមនុស្សដែលរីកចម្រើនមិនចេះចប់។ ព្រះអង្គតម្កល់ សច្ចធម៌ ជាគ្រឿងលម្អជីវិត ដោយមិនពោលពាក្យភូតភរសូម្បីតែក្នុងន័យលេងសើច ព្រោះពាក្យពិតនាំមកនូវសេចក្តីថ្លៃថ្នូរ និងចិត្តដែលត្រជាក់ត្រជុំ។

​លើសពីនេះ ព្រះរាហុលមាន ចិត្តធ្ងន់ដូចមេធរណី។ ទោះរងការប្រមាថ ឬភាពអយុត្តិធម៌ ក៏ទ្រង់រក្សាចិត្តឱ្យនឹងដូចដី ដែលមិនចេះខឹងនឹងសំរាម ហើយក៏មិនដែលអួតអាងនៅពេលគេបាចផ្កាដាក់។ ភាពស្ងប់ស្ងាត់នេះហើយ គឺជាអំណាចពិតប្រាកដដែលការពារយើងពីខ្យល់មាត់លោកិយ។

​ជាចុងក្រោយ ព្រះអង្គបានបន្សល់ទុកនូវមេរៀន "ងើយស្ពង់ អោនដាក់គ្រាប់"។ ការដាក់ខ្លួនមិនមែនជាភាពទន់ជ្រាយទេ ប៉ុន្តែជាសញ្ញានៃអ្នកប្រាជ្ញដែលពោរពេញដោយក្តីមេត្តា។ បើចង់ឱ្យគេគោរព ចូររៀនគោរពអ្នកដទៃជាមុនសិន។ ជីវិតដែលរស់នៅតាមគន្លងព្រះរាហុល គឺជាជីវិតដែលអប់រំដោយការរៀនសូត្រ រក្សាដោយសច្ចៈ និងមានខន្តីជាកម្លាំង នាំមកនូវសេចក្តីសុខដ៏ពិតប្រាកដ
។

#សមាធិ #Meditation #កម្ពុជា #cambodia #សុខភាពចិត្ត #HunKhamra #Buddhism #International #Mentalhealth
#Education #HSK

សូមឱបបងប្អូនទាំងអស់គ្នានៅក្នុងឆ្នាំថ្មីនេះជួបតែរឿងល្អ។សំណាងល្អ។ហេងៗគ្រប់ៗគ្នា

ហត់ត្រូវតែទ្រាំ កំអោយហត់ចិត្ដ

ហាយបងៗ